EDITORYAL – Nabalaka ang Amerika

Ang vigilante killings dinhi sa Sugbo nga suma pa sa taho nakapabalaka karon sa kagamhanan sa Estados Unidos hagbay rang gikabalak-an usab sa mga lumad nga lungsoranon ning dapita.

Kitang mga taga Sugbo nahibong ug nabalaka sa maong patay -- diin miabot nag 162 ang biktima -- tungod kay bisan usa sa atong gitawag nga vigilante ang nasikop.

Mao sab kini ang gikahibudngan ug gikabalak-an sa kagamhanan sa Amerika isip suod nga higala sa Pilipinas.

Kay dili ba tuod kahibudngan nga bisan usa ka kaso sa vigilante killing ang nasulbad ug way bisan usa ka buok killer ang nadakpan ug nabilanggo?

Misinta si Mayor Tomas Osmeña sa iyang pagkahibawo nga dunay opisyal sa American Embassy ang nahinabi aron sa pagsukit-sukit bahin sa vigilante killings.

Natural lang nga mosinta ang mayor tungod kay embarrassing para kaniya kining mga pagpamatay diin wala gayud niya ug sa iyang kapolisan masanta.