Nganong dali-dalion man ang chacha?

Sa ato nang gihisgutan dinhi, ang Amerika usa ka Presidential-Federal system.. Wa'a gyud sila mosagop sa Parliamentary form of government. Ngano man nga sila man karon ang labing gamhanan nga nasud? Ngano man nga ang tibuok kalibutan naghangad ngadto kanila?

Presidential system, apan, ni-work out man. Unsaon man nato pag-seguro nga inig-parliamentary na nato, ato nang makab-ut ang langit? Dato na tang tanan, wa'a nay gutmon, ug wa'a nay mag-inilogay pag-adto gawas sa nasud aron maka-dolyar? Ug labaw sa tanan, wa'a nay corruption, wa'a nay Garci tapes, wa'a nay panikas sa eleksiyon, wa'a nay smuggling, wa'a nay kidnapping, wa'a nay pamalitay sa mga sakop sa Kongreso, wa'a nay fertilizer scam, wa'a nay jueteng ug masiao, ug di na ta kinahanglang mamakak, manikas ug mangawat.

Mao ni ang pangutana sa usa sa atong tigbasa sa Banat News. Matud niya, unsa man ning Cha-Cha? Diri sa amo morag wa'ay nahibawo 09263025384. Literarily speaking, pag-usab kini sa atong Konstitusyon. Among others, usbon nato ang atong sistima, kay kono wa'ay hinungdan ang present presidential system. Bisan ako wa'a gyud ko makatuhog in detail sa tanang mga kausaban nga ilang gisugyot.

Apan naklaro dinhi nga kon mahinayon ang cha-cha, pinaagi sa people's initiative, magpabilin silang tanan diha sa gahum hangtud sa 2010, waay eleksiyonay. Sa ato pa, kon waa silay nahimong maayo sulod sa nilabay nga unom ka tuig, duna na unya silay mahimong maayo nigkausab na sa Konstitusyon. Tuo ka ini, Dro?

Laing texter niingon "Korek ka dyan Iyo, dili sistima ang babag sa kalamboan kondili kining mga tawo nga anaa karon sa gahum. Sila ang nagsupsop sa kaban ug bahandi sa atong nasud. This is because majority of our electorates have not yet reached the point of political maturity. Unsaon magpapalit man ta panahon sa eleksiyon" - Rene sa Mandaue City. 09273094419.

Korek sad ka dyan Rene. Ambut ngano nga di man sila humbly muangkon nga sila ang nakaingon ning atong kahimtang karon, ug dili ang sistima. Matud pa usab ni Felix Bare (09167951274), "Ang pag-implementar sa Cha-Cha dili maoy maghatag sa kasulbaran sa kalisod nga nasinati karon sa atong nasud, kondili ang pag-ilis ug pagpalagpot sa mga dagkung buaya sa gobiyerno." Kon tinuod man nga daghan kaayong mga buaya nga naa karon sa gobiyerno, wa'a gyuy usa kanila ang muangkon sa ilang pagka-buaya. Gani moingon pa man sila nga nagkinahanglan kanila ang nasud.

Samtang laing texter (09167951274) namahayag nga "Kanang nakuha nga mga pirma pabor sa gobiyerno minao-mao ug binayran sa administrasyon." Mao ni ang atong problema ron. Maglisud tag unite, maglisud tag move forward, maglisud tag uswag sa unahan, tungod kay ang katawhan, medyo nawad-an nag pagsalig sa atong mga lider sa gobiyerno. Kon dili kini nato ma-corrected, bisag pila pa ka Pacquiao ug pila ka Leo Oracion ang makahatag og kadungganan sa Pinoy, magpabilin kitang gutom. Komentaryo? Text 0916-6484650