Ug atong nakita nga gumikan sa mga dollar remittances, medyo giikag sa atong kagamhanan mismo ang matawag natong exportation sa lawas ug kalag sa mga Pinoy, sama sa atong pag-export sa kopra, saging ug mga furniture.
Sa ato pa, ang lawas ug kalag sa mga Pinoy, gipakasama na lang natog mga goods for export. Unya, ila tang pugson nga gipasigarbo nga kita Pinoy, kay sikat kuno ang Pinoy.
Una, ang mga nurses, nisunod ang mga magtutudlo, ug ubang mga professional. Ug karong bag-o ang mga airline companies, nitiyabaw na. Nga kuno. Nagka-wa'a na usab ang atong mga piloto. Imagine kuno kon magnihit na pag-ayo ang mga airline pilots, tan-awa unsay mahitabo sa airline industry sa atong nasud.
Ug kon mo-collapse ang maong industriya, maapiktahan ang tourism industry in particular, ug ang ekonomiya ang general. Mas grabe pa ni sa nahitabo sa hospital industry, pagka-wa'a sa atong mga doctor ug nurses. Kini tungod kay di sayon ang pag-develop og mga highly skilled manpower alang sa airline industry.
Mag-unsa na man lang unya ta dinhi sa atong nasud, kon mahurot nag layas ang atong mga professional, ang atong mga highly skilled manpower, ug kinabag-an sa atong human resources? Maayo unta to nga mga corrupt ug greedy politicians maoy manglangyaw, aron kaminos-minosan kining atong problema dinhi. Di ba, Dro?
Bitaw, maayong i-rethink kining nahitabo karon sa atong nasud, ang paghingilin ug pag-export sa atong human resources aron maka-remit og daghang dolyar nganhi sa atong nasud. This is bad economics. Komentaryo? Text: 0916-6484650