Naghitak kuno gihapon ang video karera diha sa Pasil bisan pa sa giingong kusganong kampanya sa kapolisan batok niini.
Naghitak gihapon ang video karera? Nganong dili man gyud papas kining ilegal nga matang sa sugal dinhi sa dakbayan?
Dili na ikahibung nganong miulbo kuno ang kaspa ni Mayor Tomas Osmeña sa kalagot dihang gipahibawo siya nga naa pa diay daghang makina sa video karera sa Pasil. Sa iyang kalagot, gipanguhaan sa Mayor og allowance ang tanang polis sa San Nicolas Police Station lakip na ang hepe, samtang ang barangay kapitan sa Pasil iyang gibawian sa armas nga giisyu sa City Hall.
Morag dili katuohan nga dili mapapha ang video karera sa usa ka gamay'ng barangay kun tininuod lang ang kampanya batok niini.