Sayon ra ang pagkulit

Anonymous

Usa ka batan-ong babaye ang miduaw kang Michaelangelo sa iyang estudyo. Nakita niya kining nagdibuho og daw sa nakadayeg siya niini. Ang batan-ong babaye niingon ngadto sa bantugang iskultor: "Tinuod lisud baya kanang imong gibuhat nga pagkulit apan sa akong tan-aw makahimo man tingali ko og sama ana." Ang iskultor mitubag: "Bitaw, husto ka Inday! Abi nimo bugtong dakong bato, tigib, ug martilyo lang ang imong kinahanglanon ug ang pagkulit nagkahulogan og pagtipak sa mga bato nga wala nimo kinahanglana!"

Pamalandong

Ingon ini usab ang paghamtong ug paglambo nga tawhanon ug espirituhanon. Kon buot ka nga molambo nan, tipakon gyud ang mga binuhatan, mga kinaiya, mga panlantaw, ug mga balansayon nga makababag og dili kinahanglanon. Hinuon sakit gyud ni buhaton apan hibaw-i nga diha sa pagpul-ong sa mga sanga, moturok ang mga bag-ong sanga nga maoy turokan sa mga bag-ong bunga nga mas nindot ug lamian pa kay sa mga nangagi.