Unang Biyernes

Bro. Andrew Ma. Almonte, MHCC

Usa ka tiguwang beata ang kanunay'ng mosimba ug mokompisal matag unang Biyernes sa bulan. Gikahibalag niya ang iyang silingan ug silang duha nanglibak. Sa dihang ang maong beata miuli sa ila, iyang nasugatan ang usa ka makililimos ug iya kining gidabo-dabohan sa kasaba kay kaniya nagpakilimos man. Mga sulogoon niya iyang gipang-insulto sa way igong hinungdan. Ug sa dihang nakit-an niya ang sud-an sa talad, nisilaob ang iyang kasuko. "Ngano gud tawon nga gidalitan man ko ninyo og karne? Makaako lagi mo og tental nako sa pagpakasala, hibaw-i nga unang Biyernes karon! Singka niya nga masuk-anon!

Pamalandong

Dili tanang nangadye ang nag-ampo kay ang kinabuhi ug pagpuyo, konkretong timaan sa tawong maampoon!