Bahin sa ringtone ug logo

Mga suki, misamot kadaghan karon ang nagmulo ug mireklamo kalabot nianang mga ringtone ug logo nga ipadala diha sa atong tagsatagsa ka cellphone. Ang ilang gireklamo kay padad-an sila og ringtone ug logo bisan wala sila mag-request. Ang nakaparat kay maibanan og dako ang ilang load.

Usa ka magbabasa niining ubos kong lindog mi-text kanako nga nagkanayon: "Para sa tanan: Usa pod ako sa liboan nga nabiktima nianang ringtone ug logo. Ang akong gibuhat, nag-ilis kog SIMPAK maong naputol na ang ilang binuang. Lately nakadawat na sad ko og info sa Smart nga free ringtone ug wallpaper. Ning-reply ko og "yes" ug gi-send nako sa 2929. Pag-reply naa diay bayad nga P15 per logo or ringtone. So ni-send ko og OFF FREE to cancel ngadto sa 2929 ug karon wala na ko padalhi sa taga Smart. So, to all Smart subscribers, try to send off to 2929. From Felix Butal of City Assessor's Office." -- 0928-3664027

Sa tanang mga subscribers sa Smart, sulayi kuno ninyo kining sugyot ni Felix kon mosalir ba. Basin diay kon kini ra ang sekreto aron lung-an na kamo sa pagpadala og ringtone ug logo sa inyong network provider. Hasol man god kaayo kon kanunay kang padad-an og ringtone ug logo bisan wala ka mag-request. Unya P15 ra ba diay gayod ang makuha gikan sa imong load.

* * *

Sa laing bahin: "Ang cellphone number nga 0928-3119043 usa ka mangingilad kay nakuhaan og P10 ang akong load. Ang gihimo niya mao nga ni-text siya nga nakadaog kuno ko og P500 load. Apan pag-reply nako, nakuhaan hinuon ang akong load og P10. Mao kini ang iyang text: 'Congrats....! You're one of the lucky winners of P500 load. To claim your load, just type 0928-3119043 then send to 808. Enjoy your load. From Smart simply amazing." Ako si Dodong Jay sa Tisa." -- 0928-2659327 (December 20, 2005-11:55:43)

Wala gyoy labot ang Smart niining maong binuang kondili binuhatan ra kini sa tag-iya sa cellphone number 0928-3119043 kay gusto siyang makabaton og load nga dili mogasto sa kaugalingon niyang kuwarta. Ayaw na lagi kamo pailad sa ingon niini nga tinonto. Kana gong numero nga 808 alang lang kana sa reload ug pasaload mao nga makuhaan gayod ang load kon inyong sundon ang instruksiyon sa nagpadala kaninyong congratulatory message.

Timan-i gayod ninyo kanunay nga kon ang network provider gani (sama sa Smart) maoy maghimog promo, dili nila ipaagi ang anunsiyo sa usa ka partikular nga cellphone number kondili sa usa ka designated number. Kon adunay madawat ninyong congratulatory message nga dili pinaagi sa designated number, kana dili katuohan.

(Sumbong ug reklamo? Text sa 0910-8105522).