| Bro. Andrew ma. Almonte, Mmhc |
Usa ka monghe sa iyang lawak ang nagmahay nga nag-ampo ngadto sa Ginoo: "Ginoo, kon imo akong gihigugma, nganong gitugot mo man nga ako mag-antus?" Usa ka tingog ang mitubag: "Anak, kon ako imong gihigugma, nganong dili ka man maantigong moantos?"
Buot kitag hayahay nga kinabuhi. Idlas kaayo kita sa mga pag-antus. Apan ang pag-antus tipik ug kabahin sa atong pagkinabuhi ingon nga katawhan og Kristohanon. Diha sa atong pakiglambigit kang Jesus, natural lamang ang mga pag-antus sanglit, pagapuy-an man nato ang matang sa kinaiya nga sukwahi sa kinaiya nga gipakita sa kalibutan. Apan wala kini magpasabot nga mangita lang gyud kita og paagi aron kita mag-antus. Niantus kita ingon nga linugdangan sa atong pagsaksi kang Kristo ug sa iyang Ebanghelyo.