Mao ni ang sitwasyon sa atong nasud. Swerte-swerte lang. Hinoon, di man sad kada adlaw nga dunay mapaakan og iro, maoy hinungdan nga waa lang ta magtagad ini.
Ug tungod kay kitang mga Pinoy, mao pa may ilihok, mao pay ipangandam, tapus sa usa ka aksidente, maghuwat lang ta nga mongil-ad pag-ayo kining maong kahimtang una ta molihok.
Apan sa Capiz, milihok na sila. Giingon dinhi nga ang Capiz Provincial Government mihimog mga lakang aron pag-regulate sa pagpanag-iyag iro, aron kapanalipdan ang katawhan, ilabina ang kabataan batok sa pagpamaak sa iro.
Usa ka provincial ordinance nagdili o nag-ban sa mga iro sa mga public places, sama sa mga tunghaan, mga plaza, merkado, simbahan, mga buhatan, mga hospital, sa mga beaches, terminal, ug ubang mga public places.
Sumaa sa atong nasinati, daghan kaayong mga laag nga iro, mga iro nga waay tag-iya, ug mga iro nga pinasagdan sa mga tag-iya.
Matud pa, daghan na kaayong mga kaso sa mga dog bites, diin sa miaging tuig, upat ang namatay, pulos mga bata. Sa tibuok lalawigan sa Capiz, adunay 122,104 ka iro. Ang ordinansa nagbuot nga kinahanglan irehistro ang maong mga iro, ug kinahanglan dili pasagdan nga maglaaglaag sa kadalanan.
Unya, ang mga laag nga iro, panakpon, i-dispose pinaagi sa gas chamber. Ang Capiz migastog 2.2 milyones ka pesos, pagpamalit og mga vaccines batok sa mga dog bites.
Akong usbon ang pangutana, Dro: kon mapaakan kag laag nga iro, kinsa may mogasto sa imong pagpatambal? Kinsa may atong patubagon ini, Dro? Di ba maayo atong sagupon kining gihimo sa Capiz?