Gawas ni Manny Pacquiao kinsa miangkon nga duna siyay gamot sa Sugbo anaa usab sila si Rey "Boom Boom" Bautista , Jimrex Jaca, Rodel Mayol ug ning bag-o pa nidaug usab sila si Randy "Kumong Bato" ug Malcom "Eagle Eye" Tuñacao.
Si Pacquiao, Jaca ug Mayol nanaug pinaagi sa knockout didto sa Las Vegas ug Mexico. Samtang si Suico ug Tunacao didto nagmadaugon sa Japan.
Adunay nisugyot nga kining mga madaugon nga Sugbuanon hatagan og usa ka testimonial party sa lalawigan sa Sugbo isip pagpakita ngadto kanila sa dakong kalipay ug pasalamat sa dakong kadungganan nga ilang nahatag sa nasud, ilabi na sa Sugbo.