CIIS vs CIIS

MAY 2,500 pieces ng quartz-analog watches from Hong Kong ang kinalawit ni ret. Col. Frank Iguna, ang bossing ng Customs Intelligence and Investigation Services sa Pair Cargo warehouse sa NAIA dahil sa napakababang buwis na ibinayad ng broker nito. Sabi nga, undervalue na over quantity pa! Kasi under quantity ito nang ideklara. Gakulangot lamang ang taxes na binayaran todits P7,006.00 only.

Ang problema pressured ngayon si Frank dahil ang mga bugok daw niyang bossing sa CIIS ay pinare-release agad ang hinuli niyang mga watches na ayaw namang gawin ng una. Pero dehins umubra kay Frankie ang pressure nila dahil no pwede sa kanya ang order to release ng mga bugok niyang bossing.

Matagal na palang inaabangan ni Frankie ang shipment dahil may info siya na patong ng mga corrupt CIIS agents todits. Naku ha!

Lunes nang matiyempuhan ni Frankie ang 11 cartoons na yoyo na may timbang na 64 kilos pero ang isa sa kartoon ay naglalaman daw ng battery watches at strap. Kaya lang dehins sila umubra sa bilis at talas ni Iguna na inabutan ang kargamento papalabas ng Pair Cargo gate.

Matapos masungkit ni Frankie ang mga relos mala-kidlat siyang gumawa ng incident report at recommendation sa kanyang mga superior pero na-shock toits ng hindi raw tinanggap ang kanyang report at sinabihan pa siya na bitawan na ang kargamento dahil sa dami ng padrino nito sa CIIS Main office.

Ang hindi alam ng mga kamoteng patong sa mga yoyo ay dehins ubra ang pressure kay Frankie kaya nagpunta raw agad ito sa Ombudsman upang ireklamo ang kanyang mga kamoteng hepe. Lagot kayo!

Isang alyas Johnny batangas ang sinasabing tumawag kay Frankie Boy para pakiusapan na i-release na ang shipments para hindi na maiskandalo. Ang masama matigas ang ulo ni Frank dahil gusto niyang itama ang bayad sa gobierno. Take note, Department of Finance Secretary Margarito Teves, Your Honor!

‘‘May hidwaan pala ngayon sina Frank at mga bugok na CIIS,’’ anang kuwagong facilitator.

‘‘Oo nga,’’ sagot ng kuwagong SPO-10 sa Crame.

‘‘Matigas ba ang ulo ni Frank?’’ tanong ng kuwagong maninisip ng tahong.

‘‘Siyempre kaya nga kakasuhan niya ang mga gagong bossing niya dahil inaarbor ang huli niya,’’ sagot ng kuwagong Ko-tong cop.

‘‘Baka si Frank pa ang matanggal sa kanyang puwesto kapag nagkataon?’’

‘‘Iyan kamote ang aabangan natin!’’