Garbo ko kay ang duha ka bata lumulopyo sa among barangay sa Lorega-San Miguel. Anak siya sa usa ka tanod sa among barangay.
Kon may tumong pa sila nga taguon ang maong butang nga ilang nakit-an, mahimo kaayo. Kasayon sa pag-ilis og sim pack, apan wala nila kini himoa.
Ang gihimo sa duha ka bata angay gayod nga daygon sa tumong nga manakod kini sa uban.
Angay g'yod kay mora'g gikuyawan ko nga kon maglugak-lugak sila, makit-an na lang nila nga magkatawa si Ecleo nga mobiya sa korte.
Ang prosecution misumiter na unta og lista sa ilang mga dukomento, apan daghan sa maong lista sa mga dukomento nga wala diha.
Dunay nakapangutana kon unsa kaha'y ipasabot nila. Ang hukmanan ba kaha maoy ilang papangitaon sa dukomento nga wala mahibaw-i kon hain na kini karon.
Tiaw mo, bisan ang death certificate nga giisyu ni Dr. Nestor Sator ngadto sa usa ka babaye nga giingong si Alona Bacolod-Ecleo wala na igkita.
Apan gitug-anan ko ni Atty. Fritz Quiñanola kagahapon nga nakit-an na nila pagbalik ang kopya sa death certificate.
Giawhag nila ang hukmanan kagahapon nga kuhaon nila pagbalik ang gisumiter nga lista sa mga ebidensya, unya hashasan nila pag-ayo aron mosumiter og lain.
Ambot og dili pa kaha supakon kini sa depensa kay ang prosecution gihatagan lang sa hukmanan hangtud sa Enero 10 nga masumiter nila ang tanang ebidensya.
Ang Alta Vista Golf & Country Club diha sa Pardo mipasaka og kasong civil aron nga pugngan sa hukmanan ang City Hall sa iyang laraw pagsirado sa ilang golf club.
Nakadawat na ang golf club og notice of closure nga nagpahibalo nga tak-opan sa dakbayan ang maong golf club tungod sa kapakyas pagbayad og P2.6 milyones nga amusement taxes kaniadtong 1998.
Ang argumento sa maong golf club mao nga dili sila mapugos pagpabayad og amusement tax tungod sa hukom sa Court of Appeals nga ang makolektahan og amusement tax mao ra ang nag-operate og sinehan ug ubang concert halls.
Lain pang argumento sa maong golf club nga pananglit ang City Hall may katungod g'yod sa pagkolekta og amusement tax kanila, ang ilang bayronon kaniadtong 1998, dili na makolekta.
Anaa man sa Local Government Code nga kon ang usa ka buhis dili makolekta lapas sa lima ka tuig, dili na kini mahimong kolektahon pa, gawas kon dunay tikas nga gihimo ang tagdumala.
Usa kini sa lagda nga gilatid sa Republic Act 9262, ang Anti Domestic Violence Act.
Kon ang maong bana dili motahud sa mando kaniya sa mga opisyal sa barangay o kaha sa mga huwes, mahimo kini nga ipadakop.
Sama sa nahitabo sa usa ka lumulopyo sa barangay Dulho-Fatima kaniadtong miaging Lunes. Gipapriso ni RTC judge Raphael Yrastorza ang maong tawo kay bisan may order na nga siya molayas gikan sa ilang pinuy-anan, wala man gihapon.
Ayaw mo pagtoo nga kay kamoy nagpatukod sa balay dili kamo mapapahawa.