Si Elizabeth Kenny, usa ka bantugang Australian Nurse gipangutana sa iyang suod nga higala sa sekreto kon nganong kanunay siyang malipayon. Ang iyang higala nagkanayon: "Tingali, dala na gyud na sa imong pagkahimugso ang pagkamalipayon. Si Elizabeth mitubag: "Dili uy! Kay saputon baya ko bisan sa gamay pa kong bata. Apan ang akong inahan kanunay'ng nagpahimangno kanako: "Elizabeth, ang si bisan kinsa nga nakapasuko nimo, niulipon kanimo!"
Dili dautan ang masuko sanglit normal man kini nga pagbati sa usa ka tawo. Ang kasuko batok sa usa ka tawo bisan pa man kon kini siya patay na, maoy usa ka pwersa nga moulipon ni bisan kinsa nga mohambin sa maong pagbati. Dugang pa, gimugna kita aron malipay og ang pagpunay og kasuko babag sa pagkab-ot sa maong kalipay.