"Ang kalooban mo’y ituro, O Diyos, ituro mo sana sa aba mong lingkod; ayon sa matuwid, ako ay turuan. Ituro mo, Yahweh, ang katotohanan; Tagapagligtas ko na inaasahan, sa buong maghapo’y pinagtitiwalaan.
"Mabuti si Yahweh at makatarungan, sa mga salari’y guro at patnubay; sa mababang-loob siya yaong gabay, at nagtuturo ng kanyang kalooban. Tapat ang pag-ibig, siya’ng umaakay sa tumatalima sa utos at tipan.
"Sa tumatalima, siya’y kaibigan, at tagapagturo ng banal na tipan."
Ang ating kaligtasa’y narito na. Nais niya tayong hubugin sa tamang pag-uugali sa harapan ng Diyos at ng kapwa. At ang kauna-unahang ituturo niya sa atin ay ang pagtalima o pagsunod sa kalooban ng Diyos.
Handang-handa na ba tayo na buksan ang pinto ng ating kalooban upang Siya’y papasukin? Bukas na ba ang ating mga isipan upang matutunan ang kanyang mga ituturo?
HALINA JESUS, HALINA!