Ang Pasko sa pagtan-aw sa usa ka bata

Arthur Tonne

Ikaduhang adlaw kadto human sa Bakasyon sa Pasko sa dihang ang madre nga si Sr. Rita niingon ngadto sa iyang mga estudyante sa Segundo Grado: "Ugma, atong duawon ang pasungan sa simbahan. Basin dunay ganahan ninyo nga magdala og regalo alang sa batang Jesus?" Isulod lang ni og bulsita aron dili makita sa uban.

Pagkaugma, nag-iyahay og dala og mga regalo og mga gasa ang mga gagmay'ng bata. Dunay nihatag og mga kendi, mga duwaan og bisan unsa. Usa ka bata nga ginganlag Billy ang mihatag og gamay'ng rebulto sa Cristong Hari. Butang nga nakapahatag og pagtagad sa madre. Ang madre nangutana: "Billy, nganong kana man ang imong ihatag ngadto sa Batang Jesus?" Ang bata mitubag: "Bitaw Sister, gusto lang nakong ipakita kang Jesus kon maunsa siya inig-kadako na niya."

Pamalandong

Si Jesu-kristo bisan pa man sa iyang pagkaharianon niuyon nga mahimugso sa paagi nga ubos og kabus. Ingon ini ang kahulogan sa Pagkahari sa Kristohanong Konteksto. Nahimo kang labaw tungod kay ikaw nagpaubos og nangalagad. Ning paskoha, ato untang ipahimugso ang kultura nga maalagaron og yano. Angay tingaling busgon nato una ang mga nanginahanglan inay unahon ang mga maluhong dekorasyon mga pabutong dako kaayo og gasto og mga nanghinobrang pagkaon nga igo lang ilabay kay napan-os. Mopaambit unta kita, mohatag unta kita.