EDITORYAL - Kredibilidad sa SEAGames

Dili gyud mangayo og pasaylo ang gobiyerno sa Thailand human ang ilang Primero Ministro nga si Thaksin Shinawatra mipadayag og pagduda sa "officiating" sa 23rd South East Asian Games sumala pa sa mga nanggawas balita kagahapon.

Kining SEAGames gitukod aron dunay panaghiusa ang mga nasud dinhi sa South East Asian Region pinaagi sa sports, gihimuan kini og dakong organisasyon nga girepresentahan sa onse ka mga nasud.Sa laktod pagka-istorya patas ang tanan.

Si Shinawatra dayag kaayong nagpakita nga daw sila lang mga Thai ang dunay abilidad, tuod man apektado ang Pilipinas kay kita may host country apan sa pagkatinuuray mas labaw'ng naapektahan ang kredibilidad sa kinatibuk-ang organisasyon sa SEAGames.

Angayan nga hinumduman sa lider sa Thailand nga ang mga nasud diin himoa ang duwa sa SEAGames usa ra kini ka "venue."