Ug kon kanus-a makig-alayon uban sa mga tigpatuman sa balaod nga maoy usa sa mga bukton sa kagamhanan, ang paglambigit sa katilingban walay pagduda nga sa hilom nakatampo gayod sa kamahinungdanon paingon didto sa usa ka luwas, labing siguro ug usa ka malig-on nga katilingban, ug diha niana mapauswag o mapalambo ang kalidad sa matag Filipino.
Kasagaran sa mga dagkong hinungdan nga makahaylo sa katawhan alang sa pagsanta sa salaod ug ang kapakyas sa katilingban sa pagpahiuli sa maayong pagkatawo sa mga kriminal, ug ang kalisdanan sa pagbag-o sa ekonomiya, katilingban og panghunahuna sa pagtugkad sa mga hinungdan sa salaod.
Lain usab nga hinungdan mao ang pagsaka sa kasibot tali sa katawhan ug sa mga nagpakabanang pundok sa mga programa o kalihokan nga nagtumong sa pagkunhod sa kahigayonan sa mga kriminal ug sa pagpamiktima pinaagi sa gimbuhaton sa mga proyekto sa pagsanta sa salaod nga nanginahanglan lang sa diriyot nga pagtampo sa panabot, kaalam ug sa pag-atiman.
Pananglitan, ang paningkamot sa pagkunhod sa kahigayonan sa mga kriminal sa pagbuhat sa mga salaod makatampo sa halapad nga pangandam sa gimbuhaton nga makalangan sa risgo ug kalisdanan sa pagbuhat sa salaod sama sa pag-alayon pagbantay sa mga lumolupyo ug sa pagpahigayon sa pagpatrolya sa katawhan sa tagsa-tagsa nila ka dapit, pag-ila ug sa pagpaniid sa kalihokan sa mga gikatahapan nga mga daotang tawo sa ilang dapit, sa pagparehistro sa mga sakyanan ug mga tawo nga mosulod gawas sa ilang dapit, paggamit sa sirbato o pito, paggamit sa mga timailhan sa pagkatawo, pagpatik sa timailhan sa ilang mga butang, sa pagsuga o paghayag sa mga kadalanan ug ngiob nga dapit, ug ubang pangandam nga dili mahatagan og kahigayonan ang mga kriminal.
Ang mga paaging pangbarangay sa pagpakgang o pagsanta sa salaod gitagna na kini sa pagsabot nga ang mga lumolupyo nagtampo sa ilang masinabotong panginlabot diha sa tibuk-ang katilingban sa barangay.
Apan sa ibabaw ning tanan nga pamaagi mao ang nag-unang sukaranan nga nasiguro aron dili mabahirig habig sa pagkahimong kriminal tali nila nga mga sakop sa banay.