Pitong taon nang ginagamit nina Dr. Orteza ang medical device kaya pinag-iingat nila ang mga pasyenteng bumili ng mga pekeng mat. Ayon kay Dr. Orteza bawa’t pasyente ay may iba’t ibang temperatura at ito’y naitatala sa kanyang bio-energetic mat.
Pinatunayan ng isang pasyente nina Dr. Orteza na iba ang original mat sa nakita niyang imitasyon na pinagbibili ng ilang tiwaling elemento. Ang pasyente na taga-Muntinlupa ay 58 anyos, madaling hingalin, nanghihina ang mga tuhod at namamanhid ang kanang kamay at kanang paa.
Nagpatingin siya at nakita sa angiography na may bara ang mga ugat niya sa puso. Nagpa-angioplasty siya pero makaraan ang tatlong taon ay muli niyang naramdaman ang paninikip ng dibdib, madali siyang mapagod at malakas ang hingal niya at nanumbalik ang pamamanhid ng kamay at paa.
Balak niyang muling magpa-angioplasty pero pinayuhan siya ng kanyang anak na magpatingin kina Dr. Orteza sa Sta. Teresita Gen. Hospital sa Quezon City. Sinamahan siya at sa pamamagitan ng bio-energetic modulation therapy ay hindi na siya naopera. Ngayon ay mabuti na ang kanyang pakiramdam.