Ug mao gihapon ang akong nakita, ang signboard nga LTFRB-Pepsi. Sa una nakong giingon I thought initial sa usa ka pribadong buhatan ug outlet sa Pepsi. Pagduol nako, ug pagkakita nako nga daghan kaayong mga sakyanan, PUJ ug mga taxi, ug mga private cars, mao pay akong pagkatino nga LTFRB office gyud diay.
Nagpatabang sa Pepsi kay dili maka-afford og put-up og kaugalingong karatola kay waay kuwarta ang LTFRB alang niini. Hinuon, sa ako na sang giingon dinhi, nalipay ko nga nibalhin sila sa usa ka halapad nga dapit. Convenient kaayo sa tanang mga mo-transact og business kanila.
Sama sa LTO, tungod kay ang mo-transact og business aduna may mga sakyanan, unta, daku unta kaayo ang parking space niini. Apan tan-awa ang LTO, sila rang taga-LTO ang maka-park ug ang mga tawo nga nag-sweldo nila, ang naghatag nilag income, pasagdan lang.
Dugang pa niini, maghuot ang mga tawo, sinardinas, ma-uwanan, mainitan, magbalik-balik pila ka adlaw, usahay singka-singkahan pa...waa lang gyuy tagad sa mga tawo, mga drayber, mga operator, ug mga car owners nga maoy nagpakaon nila. Naa pay mga security nga subra ka istrikto. Mao untay manubra ang ilang kortesiya ug pagka-gentleman.
Anyway, pila ka buhatan sa gobiyerno ang dili taxpayer-friendly? Nga kon buot hunahunaon, naa sila diha tungod man sa people. Gani, ato silang pahinumdoman nga ni-exist ang gobiyerno tungod og alang sa people. Sa ato pa, duna tay presidente, mga senador ug representante, mga cabinet secretaries, mga gobernador, mayor, mga board members ug konsehal, mga regional directors, barangay captain, bisan ang clerk ug janitor, naa sila diha tungod ug alang sa lungsod.
Ug ni-apply sila sa maong mga trabaho, ang uban, nigastog daghang kuwarta, namalit og voto ug nanikas tingali, aron makaalagad sila sa lungsod. Apan, karon unsa man? Mora man hinuon silag atong mga agalon, morag silay nagpakaon nato.
Ikaw, Mr. Clerk sa LTO ug LTFRB, kanang drayber nga naglago lang nga karon imong giatubang, mao nay nagpakaon nimo, tagda nag maayo, silbihig maayo.
Samtang magpasalamat ta sa Pepsi sa ilang pagtabang sa gobiyerno pag-put-up sa karatola sa LTFRB, kaylagi, di maka-afford ang gobiyerno niini, maoy atong panghinaot nga aron dili masaypan nga outlet o bodega sa Pepsi, something should be done about this if only to give dignity and prestige to the office.