November 4, 2005 | 12:00am
Usa ka emperador sa Tsina ang buot mobuntog ug mopuo sa iyang mga kaaway. Apan usa niana ka adlaw, nakita sa iyang mga sakop nga nakigsalo ug naglipay-lipay ang maong emperador sa talad sa iyang mga kaaway. Usa sa iyang mga sakop nangutana kaniya: "Kamahalan, dili ba tinguha mo man nga puohon ug buntogon mo silang imong mga kaaway?" Ang emperador mitubag "Husto ka, ako naman silang nabuntog pinaagi sa paghimo kanilang akong mga higala."
Dili sa tanang higayon, magmapuslanon ang kusog diha sa pagdaog. Sudlan una ang sapatos sa uban aron ikaw makasulod sa kinabuhi ug panlantaw nila nga imong mga kaaway kaniadto og nga mga higala nimo ugma damlag.
