Angay lang nga ang maximum penalty maoy ipahamtang nga silot sa rapist nga si Ricardo Cabiles Sr., taga sitio Napo, barangay Guindarohan, Minglanilla, kinsa namatud-an nga sad-an paglugos sa 10-anyos niyang anak-babaye.
Kining matanga sa pagkatawo dili angay nga pasanayon dinhi sa kalibotan. Inay nga sila maoy maninguha nga mahimutang sa maayong kaugmaon ang ilang mga anak, siya pa maoy miunay sa pagpahugno sa iyang ugma.
Nasabtan nako nga nahimo ang pagpanglugos sa tumang kasayon tungod kay ang inahan sa bata wala diha sa ilang panimalay ug matag Sabado ra mopauli.
Unsaon nga nagtrabaho man kini isip helper sa panimalay sa usa ka langyaw. Ang rason nga napugos ang asawa sa pagpanarbaho mao nga ang kita ni Cabiles kuwang nga gastohon sa ilang pamilya.
Si Cabiles ra gihapon ang angay'ng mabasol kon ngano nga ang iyang asawa wala kanunay sa ilang balay. Sa laktud, iresponsable si Cabiles sa kaakohan niya ngadto sa iyang mga anak.
Buyno, lainlain man tinuod ang baruganan sa mga huwes, apan ang pagpahamtang og silot nga kamatayon sa usa ka rapist, mga tawo nga manglugos sa ilang anak, angay lang kanila.
Kahilakon ko nga nagbasa sa records sa kaso. Sayonan ka nga dihang gilugos ni Cabiles ang iyang anak, nakahilak ang bata og nakaingon "Husto na intawon pa, malooy ka." Apan bisan pa sa maong pagpakilooy sa bata, wala g'yod mohunong ang walay uwaw nga amahan.
Usa niini mao ang paghatag og kasayon sa mga igsoon nato nga adunay kakulian sa panglawas, apan gawas kanila kita nga maglakaw, mag-ugsang-ugsang.
Nakaanha ba kamo sa dalan Colon? Suwayi, aw bisan asa nga aseras, daghang mga bahin nga mosaka-kanaug ka.
Ang uban god mipatubo sa mga sidewalk atubangan sa ilang tindahan kay aron nga dili kini maabot sa tubig kon mobaha. Wala nila huna-hunaa nga makahatag sila og kahasol sa mga igsoon nato nga adunay kakulian sa panglawas.
Unsaon nga mapugos ang mga magpapatigayon pagtuman sa tinguha sa dakbayan? Sayon ra kaayo.
Kinahanglan nga himoong requirement sa pagkuha og business permit ang hulagway og certification sa mga tag-iya nga patag ang sidewalk atubangan sa ilang tindahan og wala kini molabaw o moubos sa aseras sa katupad nila nga balay-patigayon.
Kadtong mga magpapatigayon nga mamakak, aw sayon ra kaayo kon masakpan. Pinaagi niini, matul-id nato ang mga sayop.
Ato kining hisgutan possible ugma ug sa sunod nato nga mga lindog kay kining maong problema dili ra diha sa Bohol kon dili apil na sa Sugbo.
Wala na man god ta'y panahon sa paghisgot niining kontrobersyal kaayo nga isyu kay napupos na ang lugar nga gigahin sa Renbor patrol.