Topic bahin sa happiness

Nia gihapon ta sa topic bahin sa happiness. Nindot ni nga hisgotan tungod kay kitang nia dinhi ning walog sa mga luha, tumong sa atong mga pagbudlay mao nga aron ta magmalipayon.

Ang uban nato, mangawat, manikas sa eleksiyon, mang-rape, manglupig ug mamintaha sa uban, manglunggob og yuta ... aron malipay. Lain sad ning matang sa ilang ka-busy. Ug ambut unsa sang matanga sa kalipay ang ilang maangkon.

Anyway, gitambag dinhi to keep busy at something. Kaylagi, ang lazy mind, is a devil's workshop. Ug tungod kay lisud ang paglikay sa mga suliran ug kagul-anan, kon waa tay lingaw, dali kitang ma-dutlan sa mga kagul-anan.

Apan, kon daghan kag lingaw, kon busy ka sa tinarong nga mga na-busy-han, di ka lugar ang kaguol pag-penetrate sa imong galamhan.

Unya, gitambag usab dinhi to do what you can for those less fortunate than yourself. Sa ato pa, lingia ug tagda sad ang imong mga kaigsoonan nga mas alaut kay kanimo. Niay uban nato nga hilabihan ka hakog, hilabihan ka ulipon sa kwarta, nga waa nay pagpanumbaling sa uban, as if ang bahandi mao na gyud ang tanan ning kalibutan.

Giingon usab dinhi not to spend your whole life brooding over sorrows and mistakes. Daghan kaayo ang naigo ini. Lagmit kitang tanan.

Sagad mahitabo nga tapos kita makahimog kasaypanan, ug sa higayon nga kita malumos sa mga kagul-anan, maglisud kitag butang niini sa kalimot, ug mao na hinooy punayan natog hunahuna, mag-self pity dayon, hangtod nga waa na lang ta hinooy mahimo. Sige na lang tag hunahuna sa atong mga sayop ug mga kagul-anan. Kinsa ba goy waa natoy suliran? Kinsa ba goy makalingkawas nato sa mga kagul-anan? Apan nganong magpagapus man ta ning maong mga faults and failures, ug mga worries?