Kadaghanan nato naghunahuna nga daw kita na lang gyud ang tag-iya sa tanan. Pananglitan.
Ang usa ka babaye kay lagi siya may tag-iya sa iyang lawas, makahimo na lang pag-abort sa bata nga gisabak. O kaha, ang mga palahubog o hinabako kaayo kon badlongon moingon man og. "Unsa may labot nimo? Ako ra may masakit!"
Ang pagpasipala sa atong kinaiyahan. (Polusyon, deforestation, ug uban pa.)
Ang uban yano kaayong mohunos sa kinabuhi sa uban nga unta dili man sila ang tag-iya niini.
Ang paggamit sa talento og kaantigohan sa dili maayong binuhatan.
Maayo ang prinsipyo sa "Private Property" apan dili sa tanang higayon nga kini applicable. Kay ang konsepto sa Private Property mahimo mang i-mortgage kon common good na ang naapektohan. Tungod kay kitang tanan mga "saop" o tinugyanan lamang. (Steward) ug kay tinugyanan man, atong katungdanan ang pag-atiman og pagpalambo sa bisan unsa nga gitugyan dinhi nato. Dugang pa, kitang tanan dinhi sa kalibutan mga bakasyonista lamang. Sa atong pag-anhi, wala tay gidala og sa ato unyang pagpauli sa tinuoray natong pinuy-anan, wala gihapon tay bitbiton. Mao nga dili gyud maayo og tukma ang maghinakog og maneguro lang sa kaugalingon. Hinunoa, angay lamang nga atong ugmaron ang atong kaugalingon og ang atong kalibutan agig bugti sa kaayo nga gipakita sa tinuod nga tag-iya niini nga way lain kondili ang Dios og Amahan natong tanan!