Ang hulagway
Ang pintor nga si Holman Hunt, midibuho og usa ka hulagway ni Kristo nga nagtindog og nagtuktok sa ganghaan sa usa ka payag. Gitawag niya ang iyang mga higalang mga pintor nga mohimo og makuting pakisusi aron makit-an ang mga sayop nga iyang nahimo. Ang tanan nihimo og pagtan-aw niini og silang tanan, pulos nakadayeg sa iyang katahom. Wala mahimuot si Holman Hunt sa ilang mga komentaryo. Iya pa gyung gipangita ang opinion sa mga batid aron mohatag og komentaryo sa hulagway nga iyang gidibuho. Unya usa ka batan-ong pintor miingon ngadto kang Holman Hunt: "Mr. Hunt, sa akong tan-aw nahimo mo ang usa ka sayop tungod kay nakalimtan mo pagdibuho ang gunitanan sa pultahan nga maoy gamiton sa pag-abli niini." Ug si Holman Hunt mitubag: "Higala, kon si Kristo na gani ang manuktok, maablihan lamang ang pultahan kon ablihan kini gikan sa sulod."
Ang Ginoo dili mapugsanon. Daghan ang mga higayon nga maglisud og sulod sa atong kinabuhi sa kapasikaran nga kita nga taglawas, dili modawat kaniya o kaha walay igong interes nga makigsuod kaniya.