Ang sambingay sa usa ka lapis

(Ni James A. Feehan)

Usa ka tawo ang miimbento og usa ka lapis, mikupot niini sa iyang mga kamot. Ang maong tawo miingon ngadto sa lapis: "Buot ko nga hinumdoman mo kining upat ka mga butang: Una, Ang imong kaayo og tinuod nga bili anaa sa imong kahiladman. Ikaduha, Kinahanglan nga pagatalhan ka sa matag karon og unya sa imong kinabuhi. Ikatulo, pagakuptan ka ni bisan kinsa. Ug ang ikaupat, kinahanglang ibilin mo ang imong marka."

Pamalandong

Una, ang kaayo sa usa ka tawo wala magdepende sa iyang bayhon og pamarog kondili sa bisan unsa nga nagagikan sa iyang kasingkasing og kahiladman. Ikaduha, Kinahanglang pul-ongon ang bisan unsang dili maayo gikan nato aron kita makatubo og makalambo. Ang tinuod nga maalamon modawat sa mga paghukngay (hukom angay) aron siya mohamtong.

Ikatulo, wala kita'y kontrol sa liyok sa kalibutan. Gikinahanglan ang usa ka pagbalanse matag karon og unya sa kinabuhi.

Ikaupat, ang mga tawo mahinumdom gayud sa atong mga binuhatan.