Sugilandong

Ang kahakog
(Quote)

Didto sa Aprika, adunay espesyal nga pamaagi ang mga lumolupyo kon unsaon pagdakop og usa ka unggoy. Matud pa nga ang maong mga mananap mahiligon kaayo sa humay. Ang mga mag-uuma, mosulod og mga kinumkom nga humay sa nilungagang bagol. Igo lang gyud nga makasulod ang kamot sa unggoy. Maglisud na og kuha ang unggoy sa iyang kamot labina kon makahakgom na kini og humay. Mao nga dali ra kaayo siyang madakpan sa mga mag-uuma. Apan kon mobuhi pa lang siya sa humay nga iyang gikumkum nan, makalingkawas unta siya sa maong lit-ag. Apan dako kaayo ang iyang gusto sa humay nga maglisud siya pagbuhi niini bisan pa man kon kini nagkahulogan og bugti sa iyang kinabuhi.

Pamalandong

Matud pa ni Gautama Buddha nga ang hinungdan kon nganong nag-antos ang tawo mao nga siya nahimong nagapos sa iyang naghinobra og dili maangayong paninguha sa bisan unsang butang, o tawo ba kaha hinuon. Ingon ana usab higala ang kinabuhi, dunay mga hakog nga dili makabaton og kabusganan tungod hakog ra kaayo sila nga mobuhi sa bisan unsa nga gamay nga naa nila aron mopaambit sa uban.