EDITORYAL - Nagkurog nga ex-convict

Usa ka ex-convict kinsa nanginabuhi na karon sa malinawon isip usa ka negosyante ug lay minister sa ilang parokya diha sa iyang lungsod, ang dili na motunob sa siyudad sa Sugbo tungod sa kahadlok sa gitawag sa media nga vigilantes.

Si Antonio (dili tinuod niyang pangan) napriso dinhi sa city jail ug gidala sa Muntinglupa prisons gumikan sa sala nga homicide. Iyang gipatay ang lalaki nga nagpanamastamas sa iyang asawa.

Human sa kapin sa napu ka tuig sud sa bilanggoan, si Antonio gibuhian tungod sa iyang maayong behavior diin nahimo siyang organizer sa usa ka charismatic community.

Karon medyo hayahay na ang kinabuhi ni Antonio apan tungod niining mitumaw nga killing spree sa mga vigilante kinsa ang kasagarang biktimahon mao ang ex-convincts, miturok ang dakong kabalaka ngadto ni Antonio. Panington siya kun makakitag tawong nagsakay og motorsiklo.

Adtong usang adlaw nahibaw-an namo nga si Antonio mibiya sa Sugbo ug miadtog lain lalawigan gawas sa Sugbo tungod sa kahadlok sa mga killer nga gitawag natong vigilante.

"Nabayran naman unta ni Tonyo ang saa nga iyang nahimo," matud sa kauban niyang lay minister. "Apan mipatigbabaw gyud ang kahadlok."