Ang mass-novena gisugdan sa miaging Hulyo 28, diha sa Capitol Parish church matag alas 6:15 sa gabii, ug matapos karong Biyernes, Agosto 5.
Ang kahulogan saulogon didto sa Tisoy's Karenderia ni El Presidente, sa dalan A.S. Fortuna dakbayan sa Mandaue, nga pagaunhan sa usa ka Misa Pasalamat sa alas 5:00 sa hapon, uban ni Fr. Lope Lesigues, celebrant, dayon ang salusalo ug fellowship. Ang mga opisyales alang ning tuiga, gilangkoban nila ni: Helen Yusingco, presidente; Val Suan, Bise Presidente; Jacinta Elena Duarte, Secretary; Connie Dublois, Treasurer; Willy Justimbaste ug Tolz de la Serna, PROs;
Mga Director: Romy Mantilla, Angelina Escaño, Violeta Bantug, Kim Demeterio, Fe Vicoy, Vic Molos, Amparo Pia, Allan Gaviola, ug Ex Officio - Rogelio Panal. Si Mrs. Yusingco midapit ug miawhag sa mga Maasinhon pagtambong ning tinuig nga kasaulogan, ilabina unya sa kapiyestahan sa Agosto 6, diin maghimamatay na usab ang mga Maasinhon nga ania na manimuyo sa Sugbo.