Dugay na nga na-waa si Marcos. Kapin nas 20 ka tuig. Dugay na usab nga ang Sugbo, ang tibuok nasud, for that matter, nga waa makasaksi paggamit og usab sa pwersa sa tubig pag-alkontra sa mga demonstrador.
Of course, justified tingali ang paggamit sa tubig sa bombero. Unruly na tingali pag-ayo ang mga demonstrator, ug lagmit duna silay laraw pag-agaw sa Malacañang in the South. Ug lagmit, na-infiltrated sila sa mga walhon. Busa, puwersa ang gigamit.
Okay lang, waa ta mag-condemn ni bisan kinsa sa maong hitabo sa miaging Miyerkules dinhi sa malinawon natong Sugbo. Ang ako lang nga kadto, nakapahinumdom kanato panahon sa martial law. Ug waa kita mag-expect nga mahitabo kadto pag-usab tungod kay dugay na mang na-waa si Marcos.
Kadto ang unang repetition sa dugay nang nahitabo panahon ni Marcos. Ug dinhi pa gyud mahitabo sa atong Sugbo.
Maximum tolerance man kaha? Unsa man say atong kahadlokan? As far as Cebu is concerned, We love Gloria very much. Ang tanan natong mga lider, gikan sa mga Kongresista, gobernador, mga mayor ug mga barangay captain, iya man ni Gloria. Nganong mahadlok man ta sa pila lang ka buok nga mga saba kaayo nga mga demonstrator?