Na ang kasama ko ay buong family
Sa hangad makita ibang Asian countries
At ang sinasakya’y airplane na malaki!
Sa bawat paglipad ay aming kasama
Ang mga piloto’t mga staff nila;
Ang mga piloto ay pawang masigla
Mga stewardess lahat masasaya!
Habang nasa aire ay aming napansin
Sila’y walang takot kahit nasa airplane;
Ang mga piloto ay nag-aannouncer
Ang mga tauhan ay nagpapakain!
Kahi’t yumuyugyog saka umuuga -—
Lalo’t may turbulence na nasasagasa;
Masamang panaho’y hindi alintana
Tuloy din sa b’yaheng walang patumangga!
Aksidente’t dusa ay di pinapansin
Ng mga piloto’t mutyang mahihinhin;
Kahi’t bumabagyo biyahe’y tuloy pa rin
Pagiwang-giwang na’y may ngiti pa mandin!
Mga pasahero ay panay ang dasal
Sana’y huwag masawi kaming mga sakay;
At sana’y wala ring hijacker na sukab
Upang makasapit sa aming nilakbay!
Sa awa ng Diyos ang mga peligro
Pawang naligtasan naming pasahero;
At saka sa ngayon ay mapagtatanto
Piloto at staff — matatapang kayo!
Katapangan ninyo ay walang katulad
Higit sa sundalong may hawak na armas;
Kagitingan ninyo’y kaiba sa lahat
Pagka’t buhay nami’y kayo ang may hawak!