‘Alay sa PGH’

ANG Philippine General Hospital ay itinatag noong 1910 at nagdiriwang ngayon ng ika-87 anibersaryo. Tinaguriang ‘‘The country’s biggest tertiary hospital’’ inilunsad ang ‘‘ALAY SA PGH’’ fund raising campaign para massive renovation ng ospital. Ang BANTAY KAPWA ay nakiisa sa naturang launching program. Ayon kay Dr. Carmelo Alfiler, director ng PGH, unang irerenovate ang historical Pharmacy Building. Gagawing moderno ang gusali na kumpleto sa pasilidad na tutugon sa mga maysakit na pasyente lalo na iyong mahihirap.

Sinabi ni Dr. Gregorio T. Alivior Jr. pangulo ng PGH Medical Foundation Incorporated na marami na ang nangako na tutulong sa paglikom ng pondo para sa proyekto. Saksi ang BANTAY KAPWA sa pledges na umaabot sa milyong piso buhat sa mga pharmaceutical companies at ceremonial donors.

Kasama rin sa fund drive ay ang pagpopondo sa bibilhing modernong kagamitan sa panggagamot. Dalawang malalaking event ang gaganapin sa Nobyembre kaugnay sa fund drive at ito’y ang natatanging golf tournament at fashion shoe na nasa pangangasiwa ng magagandang socio-civic lenders na sina Ms. Cory Quirino at Ms. Lolita Escobar-Mirpuri.