Congressman madi-disqualify dahil hindi Pilipino

ALAM n’yo bang maaaring ma-disqualify ang isang congressman dahil siya ay hindi natural-born citizen ng Pilipinas?

Ayon sa aking bubwit, 14 days na lang at Pasko na.

Happy birthday muna kay Senate President Franklin Drilon, Mr. Cesar Lee ng Toyota Alabang; Eduardo Sauler, Dr. Mandatu Saludsong, Bro. Loreto "Nog" Cabrera at Reyna Jessica Vigilia from Atty. Rusty Vigilia ng NBI.

* * *

Alam n’yo bang maaaring ma-disqualify ang congressman dahil kuwestiyonable ang kanyang citizenship?

Ayon sa aking bubwit, si Congressman ay hindi pala Pinoy, kasi ang mga magulang nito ay mga alien. Batay sa record sa Bureau of Immigration and Deportation, siya pala ay foreigner.

Ayon sa aking bubwit, si Congressman ay ilang beses na ring kumandidato noon sa iba’t ibang lugar sa Metro Manila. Paiba-iba pa ito noon ng kanyang pangalan subalit siya ay parating talo noon.

Dahil malakas ang fighting spirit ni Congressman, nang kumandidato ito sa Maynila ay nakalaban ang isang matandang kongresista, siya ay nanalo.

Ang problema lang, walang nakasilip sa kanyang citizenship na maaaring maging dahilan ng kanyang disqualification bilang mambabatas.

* * *

Ayon sa aking bubwit, batay sa records ng BID na may petsang October 1, 1952, pinatutunayan nito na si Congressman ay isa ngang dayuhan.

Nakalagay sa kanyang Alien Certificate of Registration No. A-237041 na isa siyang citizen ng People’s Republic of China.

In short, siya ay isang Chinese at hindi Pilipino citizen bagamat siya ay ipinanganak sa Manila noong January 12, 1952.

Naku, paano na ito Mr. Congressman?

* * *

Ayon sa aking bubwit, ang congressman na maaaring matanggal sa Kamara dahil sa kanyang citizenship ay walang iba kundi si Congressman...

Siya ay kinatawan ng isang distrito sa Lungsod ng Maynila. Siya ay kinatawan ng Chinatown Manila.

Siya ay walang iba kundi si Congressman H.P. as in Hunan Province.