Congressman nagtatago at ayaw bayaran ang utang na P650

ALAM n’yo bang galit na galit ngayon ang isang negosyante sa isang congressman dahil ayaw magbayad ng utang?

Ayon sa aking bubwit, 105 days na lang at Pasko na.

Happy birthday muna kay Mr. Tony Aquino ng Autohaus BMW; Margery Lois Lane, Pinong Lagari, Jojo Barring, Noli dela Cuesta, Pons Epino Jr. at Mar Pallingayan ng Manila Broadcasting Co.

* * *

Alam n’yo bang nagtatago ngayon ang isang congressman dahil ayaw magbayad ng utang?

Ayon sa aking bubuwit, galit ang isang businessman sa congressman sapagkat ayaw nitong bayaran ang inutang na pera sa kanya. Noong Abril pa nangutang si Congressman subalit hanggang ngayon hindi pa binabayaran. Ang inutang niya sa businessman ay P650,000.

* * *

Ayon sa aking bubuwit, noong una ay ayaw pa sanang maningil ng businessman kay Congressman.

Kaya lang tumagal na ng tatlong buwan ay parang kinalimutan na ni Congressman ang utang samantalang ang pangako niya babayaran daw kaagad kapag nakuha ang kanyang Countrywide Development Fund (CDF).

Mantakin n’yo, yung pork barrel na hindi pa natatanggap, ipinangutang na ni Congressman.

* * *

Ayon sa aking bubuwit, nang matiyempuhan ng businessman si Congressman sa kanyang opisina sa Kongreso, hindi nakalusot at nag-isyu ng dalawang tseke. Ang malungkot, ang mga tseke ay tumalbog.

Nang puntahan ng businessman si Congressman sa kanyang opisina, hindi na mahagilap. Siya ay nagtatago na.

Ayon sa aking bubuwit, ang negosyanteng inutangan at ayaw bayaran ni Congressman ay walang iba kundi si...

Itago na lang natin siya sa pangalang Mr. Rey

Samantalang ang congressman ay walang iba kundi si...

Siya ay kilalang congressman. Taga-Metro Manila. Mahilig sa sports car. Siya ay si Congressman M. as in Memorial.