Pagkakapatay kay Sabaya napanood ni Bush

ALAM n’yo bang pinanood ni US President George Bush ang actual operations ng military laban kina Abu Sabaya?

Ayon sa aking bubuwit, happy birthday muna kay Ret. Gen. Ike Cuadra, VW Ike Flores, Bro. Safiro Vinarao, Bro. Cesar Abaya, Bro Mario Angeles, Poch Murillo ng SMC at Joe Valerie Rubio.

* * *

Alam n’yo bang pati mga opisyal ng Pentagon sa US ay pinanood ang actual operations ng military sa grupo ni Abu Sabaya sa Sirawai, Zamboanga del Norte?

Ayon sa aking bubuwit, talagang high tech ang Orion Spy plane ng tropang Amerikano na ginagamit sa Balikatan Exercises sa Mindanao. Kaya bukod sa mga nakuhang video footages sa actual military operations laban sa mga bandido, ang satellite pala nito ay naka-beam din sa Amerika kaya napanood din pala ang actual action sa White House at sa Pentagon.

Kaya sinasabi ng ilang Pilipino generals na mas nauna pang nalaman ni Bush kaysa kay President Gloria Macapagal-Arroyo na napatay na si Abu Sabaya.

* * *

Ayon sa aking bubuwit, ang Orion Spy Plane ang nagbigay ng instruction kung saan ang actual na kinaroroonan nina Sabaya. Pati ang kanyang kinauupuan sa pump boat ay nalaman din ng mga tauhan ng Philippine Marines sa pamamagitan ng sundalong Kano na nasa spy plane.

Dito ay kitang-kita kung paano binaril ng sniper si Sabaya na tinamaan sa iba’t ibang bahagi ng katawan.

Talagang hindi binuhay si Sabaya sapagkat meron instruction ang AFP na huwag na itong buhayin.

* * *

Ayon pa sa aking bubuwit, habang pinapanood ng mga generals ang naturang video footages ay talaga namang napapanganga ang mga ito sa paghanga.

Hanep daw talaga para ka raw nanood ng pelikulang The Patriot at Behind Enemy Lines kapag napanood ang footages.

Marami pa akong iku-kuwento tungkol sa operation ng military laban kina Sabaya kaya abangan ang susunod na kabanata.