ORA MISMO - Bakbakan sa Basilan, beautiful!

Habang tumatagal, gumaganda ang banatan sa Basilan maraming pumapatong, este sumasakay sa isyu. Government troops versus Abu Sayad ang pamagat ng pelikula.

Grabe na pala ang katok ni Abu Sabaya, ang spokesman ng mga sira ulong Muklo diyan sa Basilan porke ang demand nila kay Prez GMA para pawalan ang mga hostage ay ariin ang lugar ng Tawi-Tawi, Basilan, Jolo at Sulu.

Sino namang matinong isip ang papayag sa kagustuhan ng may sayad. Siyempre wala! Imposibleng si Prez Gloria?

Kung si Miriam baka mauto pa nila kasi pare-pareho silang may likitik sa utak. Ika nga kitikiti ang nasa brain nila.

Ang mga sira ay wala sa sariling bait kaya walang ginawa ang mga Abu Sayad kundi ang pumatay at pugutan ng ulo ang mga taong walang kalaban-laban.

"Botak, Sayad, botak", ang motto ng Abu Sayad sa mga taong sumasabay ng ratratan sa kanila pero ang mga peaceful creature ay walang abug-abog kung pugutan nila ng ulo. Para sabihing matapang sila, sa mga taong hindi lumalaban, he-he-he!

Tatlong sundalo ang kanilang pinugutan porke nakorner nila. Ika nga tatlo laban sa 100 Abu Sayad. Di ba, no match?

Ganyan ang grupo ni Abu Sayadyad matapos kumaripas ng takbo sa kanilang kalaban bigla na lamang napipikon at namumugot ng ulo kasi napagod sa kara-run.

"Ibang klase pala ang grupo ni Abu Sayadyad takbuhin," sabi ng Kuwagong Kotong Cop.

"Ganyan din si Commander Robot sa telebisyon matapos itong kumaway ay bigla na lamang kumaripas ng takbo," humahalakhak na sabi ng kuwagong Philippine Marines.

"Saang pelikula kumaway si Commander Susi, este Robot?" tanong ng kuwagong SPO-10 sa Crame.

"Sa telebisyon nga," sagot ng kuwagong CO2-10 sa Aguinaldo.

"Eh, ano ang nakakatawa roon?"

"Yung mga mukha nila."

"Bakit?"

"Parang..."

"Ano?"

"Magsalita ka!"

"Parang... ha-ha-ha!"

"Baliw ka ba?"

"Hindi natatawa lang."

"Parang ano nga?"

"Komedyante."

"Sa TV?"

"Hindi noong hindi pa uso ang telebisyon sa mundo."

"Korek!"