Sasaludo ako bago mag-opinyon;
Unang suhestiyon ko tayo ay tumulong
Upang magtagumpay ang administrasyon!
Sa bagong Pangulo’y aking hinihiling
Unang resolbahin ang ‘basura’ problem;
Kung problemang ito’y kanyang uunahin
Mabubuhay tayong gising ang damdamin!
Upang ang pagtulong nati’y magkabisa
Mahalagang tayo’y laging magkaisa;
Hilingin din nating alisin ni Gloria
Ang mga opisyal na sa puwesto’y linta!
Dapat na unahing alisin sa puwesto
Sina Jojo Binay at Aventajado;
Dapat na tandaang ang dalawang ito
Sa dumpsite pa lamang laging problemado!
At ang MMDA na hawak ni Binay
Ay buwagin na lang ng Pangulong mahal;
Mga pondo nito ay dapat ilaan
Sa mga proyekto’t pagawaing-bayan!
Sa totoo lang na nakikita ko
Itong MMDA pang-ubos ng pondo,
Mayroon tayong pulis saka kaminero
Na dapat gumanap sa tungkulin nito!