Hatol ni APOSTOL - Natinik ng pako sa palengke

ANG letter ay galing kay Chad Ruiz ng Cavite City.

Ang akin pong pamangkin ay nagpunta sa palengke upang bumili ng aming makakain. Kasagsagan ng bagyo noon. Hanggang hita ang tubig sa loob ng palengke. Sa paglakad, napako ang aking pamangkin.

Nagbabalak po ang tatay ng aking pamangkin na magdemanda laban sa munisipyo ng Cavite sa kapabayaan nito.

Maaari po ba iyon? Ano po bang kaso ang maaari niyang isampa?

Maaari kang magsampa ng kaso laban sa municipal government kung saan nangyari ang aksidente. Sa kapabayaan nito sa control at supervision, maaari kang makakuha ng danyos perwisyos (damages).

Ayon sa Art. 2189 ng Batas Sibil "ang probinsya, lungsod, munisipyo ay magbabayad ng danyos para sa kamatayan o pinsala ng isang tao dahil sa depektadong kondisyon ng kalsada, tulay, gusali o ibang public works na nasa kontrol at superbisyon nito."

Ang public market ay nasa kontrol at superbisyon ng municipal government.