Mga nagluib, dili angayan balikan

CEBU, Philippines — Dili pabor si Barbie Forteza sa paghatag og ikaduhang higayon sa mga tawo nga nanglimbong o nagluib sa ilang mga hiniguma.

Sa iyang panan-aw, importante nga mahibalo ang usa ka tawo sa iyang kaugalingong bili ug kahibalo siyang higugmaon ug ampingan ang iyang kaugalingon.

Alang kang Barbie, dako og bili ang gugma ug panahon nga iyang gihatag sa usa ka tawo. Tungod niini, dili niya makita nga angay pa siyang mobalik o mohatag og laing higayon kung ang maong pagsalig giguba.

Alang kaniya, ang pagrespeto sa kaugalingon kay usa ka importanteng bahin sa paghigugma.