Kathryn sa “Blockbuster Sundays”
CEBU, Philippines — Maghatag og espesyal nga selebrasyon ang Cinema One alang kang Asia’s Superstar Kathryn Bernardo pinaagi sa “Blockbuster Sundays” karong buwana, Agosto, diin ipasalida matag Domingo alas-7 sa gabii ang iyang mga sikat nga pelikula kaniadto. Lakip sa lineup ang The Hows of Us (Agosto 2), Barcelona: A Love Untold (Agosto 9), Three Words to Forever (Agosto 16), Can’t Help Falling in Love (Agosto 23), ug Hello, Love, Goodbye (Agosto 30).
Patubagon sa MTRCB
Gihatagan sa Movie and Television Review and Classification Board (MTRCB) og pito ka adlaw ang noontime show nga “It’s Showtime” aron motubag sa mga reklamo may kalabotan sa giingong dili makiangayon nga mga pulong ug dili angay nga mga eksena sa ilang episode niadtong Hulyo 24, 2026 kun diin dunay gibuhian nga komedya si Vice Ganda.Gimandoan usab ang maong programa nga mosumiter og mga lakang aron mapalig-on ang pagsunod sa broadcast standards ug magtudlo og on-air compliance officer alang sa live broadcasts.
Shuvee nanamilit sa “The Master Cutter”
Nanamilit na ang karakter ni Shuvee Etrata isip Tonet sa Kapuso series nga “The Master Cutter.” Pinaagi sa iyang Instagram post, mipadayag ang Sparkle actress sa iyang dakong pasalamat sa viewers. “Thank you so much to everyone who followed and loved Tonet’s journey. This project means so much to me.It was here that I learned, grew, and got to know myself better as an actress,” ni Shuvee pa.
- Latest
