DongYan, umpisa na sa Remember
Stand out ang baguhang aktres na si Dana Alexa Cada na isang beauty queen (Miss Silka Philippines 2025 title, Miss Oriental Mindoro runner-up, Miss Mandaluyong runner-up), na marami na ring nagawa na mga commercial.
Ngayon ay sumabak na rin siya sa pag-arte, at introducing sa pelikulang Behind the Smile na dinirek ni Lawrence Roxas, na tulad ni Alexa ay isa ring taga-Mindoro.
Ayon may Dana Alexa, nag-audition siya para sa pelikulang ito na pinagbibidahan nina EJ Falcon and Jennica Garcia.
Nag-workshop din daw siya dahil mahirap nga ang role niya bilang isang apektado ng mental health issues.
“Yes I’ve done workshop naman. At first, very nervous ako, kasi nga very emotional ang role. Pero may mga nagawa na rin akong short roles noon,” umpisang chika niya.
“’Yung role ko kasi, si Nikki, may depression problem siya. Kumbaga, ang daming expectation sa kanya, na naging cause ng depression niya,” dagdag niya tungkol sa ginampanang papel.
Pero siyempre, itutuloy-tuloy na rin daw niya ang pag-arte.
Sino-sino pa ba ang wish niyang makatrabaho?
“I’m a fan of Marian Rivera. She’s so beautiful. Sabi nga nila, medyo may resemblance raw kami. Pero ang ganda-ganda talaga niya.”
Wish niyang ma-meet si Marian na malamang ay matagal pang mangyayari dahil lumipad sila ng mister niyang ni Dingdong Dantes sa Canada para sa pelikula nilang Remember na ayaw pang sabihin ng mag-asawa kung isasali ba sa darating na Metro Manila Film Festival nang huli namin silang ma-interview. Follow-up movie nila ito record breaking nilang Rewind movie.
“Hindi ko pa siya nami-meet. I would love to work with her talaga! Sana mamanifest ko,” wish pa ni Dana Alexa na totoo kayang magiging kandidata sa Miss World PH 2026?.
But anyway, sa mga lalaki raw ay si Piolo Pascual ang bet niya. Ganundin daw si Joshua Garcia, na wish din ng napakaraming artista. “Si Papa P talaga. He is so handsome, at ang galing-galing niyang umarte. Si Joshua Garcia rin. He’s really amazing, in terms of acting. Napanood ko ang movie niya Meet, Greet & Bye at natural ang acting niya, na mapi-feel mo talaga ang character niya.”
- Latest
