Yulo, Chloe spotted sa ABS-CBN ball
MANILA, Philippines — Spotted ang magkasintahang sina Paris Olympics double gold medalist Carlos Yulo at Chloe San Jose sa isang ball ng kilalang television network na ginanap sa Solaire North sa Quezon City.
Nakaputing coat and tie si Yulo habang isang magandang dress naman ang suot ni Chloe upang maging isa sa maningning na magkapares na dumalo sa ABS-CBN ball.
Nasilayan pa si Yulo kasama ang ilang kilalang celebrities gaya nina Daniel Padilla, Anthony Jennings at Karla Estrada.
May larawan din sina Yulo at Chloe kasama sina Vice Ganda, Darren Espanto, Coco Martin, Julia Montes, Dominic Roque, Sue Ramirez, Cherry Pie Picache, Michael de Mesa at John Estrada.
Hindi rin pinalampas ni Chloe na makapagpa-picture kina Nadine Lustre, dating Miss Universe-Philippines Michelle Dee, Heart Evangelista at Maymay Enrata.
“If elegance had a group chat… this is it,” ayon sa caption ni Chloe sa kanyang post sa social media.
Kamakailan lamang ay dumalo naman si Tokyo Olympics gold medalist Hidilyn Diaz sa isang fashion show ng kilalang clothing brand.
Rumampa si Diaz kasama ang kilalang mga artisa, modelo at singers gaya ng P-Pop kings SB19 na binubuo nina Pablo, Stell, Justin, Josh at Ken.
Bukod kay Diaz, rumampa rin sina volleyball players Eya Laure at John Vic De Guzman.
- Latest
