• Kanhi Cebu City Schools Division Superintendent Leonilo Oliva: Bisan ang inosenteng mga tinun-an nagkinahanglan sab og kaangayan, bisan pa kon paboritong kahugpongan ang maig-an; • Oasis of Love: Ang kaligdong sa pagtudlo sa mga mithi masukod sa pagbarug batok sa mga buhat nga hiwi; • Arsobispo Ricardo Kardinal Vidal: Usa sa labing epektibong paagi pagbadlong sa mga paring way puangod mao ang pagtahan nila ngadto sa balaod; • Fr. Ben Ejares: Tungod sa pagtago sa usa ka ngan, tibuok Artsidyosesis sa Sugbo maoy nauwawan; • Fr. Joey Belciña: Way kasong di maareglo, gawas lang kon ganahan og gubat imong abogado;
• Gobernador Gwen Garcia: Di ta magpalabi og sulti kon ang tanang buslot wa pa matapaki; • Mandaue City Mayor Teddy Ouano: Kon magpatuyang pagamit sa ASEAN Summit mahimong adto ka sa hukmanan masangit; • Cebu City Mayor Tomas Osmena: Kon nagtuong ikaw nay kinahaworan, paabot hangtod nga ikaw malaktawan; • Ambassador Marciano Paynor: Ang mga terorista di angayng kahadlokan apan hinayng mga bagyo di kakumpiyansahan; • Lapu-Lapu City First Lady Paz Radaza: Mahimong pakapinan ang ubang gasto, ay lag paabta og P1.9 milyones ang paniudto; • Gatosan ka pamilyang naigo sa demolisyon: Maayong summit igo lang nauswag, among mga bay di na mauli gikan sa pagkabungkag;
• Pres. Arroyo: Ang pagbalitok di impeachable offense apan kon kanunayon makapalab-as sa wa pa mahusay nga impeachable offenses; • Saddam Hussein: Sa abog ka gikan ug bisan pila pay gingharian abog gihapoy paulian; • First Gentleman Mike Arroyo: Ikaw bay daghan og sekreto, tanang sakop sa media ikiha sab nimo; • Abra Governor Vicente Valera: Bisan pila pay private army, seguroang may plakang sakyanan aron di maapiki; • Gringo Honasan: Ang rebolusyonaryong wa nay kawsa di nang katago bisan gikan sa iyang kaugalingong asawa;
• Cebu City Vice Mayor Michael Rama: Pagmatngon sa komentaryo sa land swap labi nag makayatak sa mga politikong sa kahubog sa gahom nagsukarap; • Kongresista Antonio Cuenco: Katawhan gihapoy hawod sa demokrasya di silang Pres. Arroyo ug House Speaker Jose de Venecia; • Mga kongresistang Sugbuak: Ang pagbuakbuak sa Sugbo di maayong paagi pagmugna og dugang kahigayonan sa panarbaho; • Mandaue City First Lady Linda Ouano: Kon may kasong imong umagad, imong gahom usahay molapad; ug • Bise Gobernador Gregorio Sanchez: Bisag unsaon og sikit, naa gyoy taga Mandaue nga mosingit.
Email:
leo_lastimosa@abs-cbn.com