‘Calixtorya’ itutuloy muli sa Pasay - Mayor Emi
MANILA, Philippines — Tiniyak ni re-electionist Pasay City Mayor Imelda “Emi” Calixto-Rubiano na magpapatuloy ang legasiya at kuwento ng tapat na pamamahala sa kanilang lungsod.
Ito ang mariing sinabi ni Mayor Emi sa isinagawang Proclamation Rally ng Team Calixto na dinaluhan ng nasa humigit-kumulang 50,000 supporters at mga nag-abang sa parada.
Ayon sa alkalde, magpapatuloy ang magandang kuwento sa Lungsod ng Pasay na tinawag niyang “Calixtorya” o kwento ng mahabang panunungkulan ng mga Calixto sa lungsod mula pa nang maupo ng halos tatlong dekada ang kanilang ama na si Duay Calixto, sinundan ito ng tatlong dekada ring paninilbihan ni Congressman Tony Calixto – at ipinagpapatuloy ng kasalukuyang alkalde na si Mayor Emi Calixto-Rubiano.
Isinalaysay rin ng alkalde kung gaano nagsimula ang Lungsod ng Pasay mula sa dating hindi pinag-uusapang siyudad – hanggang sa ngayon na tinitingala ito ng mga karatig na siyudad at foreign countries kung saan binansagan ang lungsod bilang “MICE Capital” of the Philippines at nagpapatuloy na umuukit ng kasaysayan sa progreso, negosyo, at hanapbuhay dahil sa coastal development projects.
Samantalang makakatambal naman ni Mayor Emi sa pagka-Bise Mayor ang 3 terminong topnotcher Councilor ng lungsod na si Mark Anthony Calixto habang mananatiling kandidato sa pagka-kongresista ang nakatatandang kapatid na si Cong. Tony Calixto.
- Latest
