30 lugar kasama Metro Manila, dumanas ng mapanganib na heat index - PAGASA

MANILA, Philippines — May 30 lugar sa buong bansa, kabilang ang ilang bahagi ng Metro Manila ang inaasahang dumanas ng mapanganib na antas ng init, nitong Sabado.

Ang heat index, ay ang aktuwal na temperature nararamdaman ng humidity at air temperature.

Batay sa sa pinakabagong bulletin, inaasahang makakaranas ng mga heat index mula 42°C hanggang 47°C.

Sa Aborlan, Palawan:43°C; Ambulong, Ta­nauan, Batangas: 42°C; Aparri, Cagayan: 46°C; Bacnotan, La Union: 44°C; Borongan, Eastern Samar: 42°C; Butuan City, Agusan Del Norte: 43°C; Casiguran, Aurora: 42°C; Catarman, Northern Samar: 43°C; CBSUA-Pili, Camarines Sur: 44°C; Cotabato City, Maguindanao: 42°C; Cubi Pt., Subic Bay, Olongapo City: 42°C; Cuyo, Palawan: 42°C; Dagupan City, Pangasinan: 47°C; Dumangas, Iloilo: 43°C; Guiuan, Eastern Samar: 42°C; Iba, Zambales: 44°C; Infanta, Quezon: 42°C; ISU Echague, Isabela: 42°C; La Granja, La Carlota, Negros Occidental: 42°C; Laoag City, llocos Norte: 45°C; Masbate City, Masbate: 42°C; MMSU, Batac, Ilocos Norte: 43°C; NAIA, Pasay City: 42°C; Puerto Princesa City, Palawan: 44°C; Roxas City, Capiz: 42°C; San Jose, Occidental Mindoro: 42°C; Sinait, llocos Sur: 42°C; Tuguegarao City, Cagayan: 43°C

Virac (Synop), Catanduanes: 44°C; Zamboanga City, Zamboanga del Sur: 42°C.

Inaasahan ang pinakamataas na heat index ay tatama sa Dagupan City, Pangasinan, kung saan aakyat ito sa 47°C.

Sa Metro Manila, posibleng tumaas sa 42°C  at sa Ninoy Aquino International Airport (NAIA) station sa Pasay City,  at aabot sa 41°C saa Science Garden sa  Quezon City.

Ang temperatura sa pagitan ng 42°C hanggang 51°C, ay itinuturing na “dangerous,” na nagtataas ng tsansa na magkaroon ng mga heat-related issues tulad ng cramps or exhaustion at ang matinding pagbibilad sa araw ay maari ring maging sanhi ng heat stroke.

Payo ng PAGASA, bawasan ang outdoor activities, manatiling hydrated, iwasan ang mga inuming magti-trigger sa heat-related illnesses, gumamit ng payong, sombrero at magsuot ng mahaba ang manggas.

Itakda ang mabibigat na gawain kung bumaba na ang init.

Asahan din na hanggang kalagitnaan ng Mayo ang matinding init ng panahon sa bansa.