Unsay buhaton kun dili bayran sa utang?

Dear Atty. Divine,

Ang akong mama nagpautang og Fifty Thousand Pesos (P50,000.00) sa iyang amiga. Aduna silay kasabutan in writing ug ang ilang sabot nga bayran si mama monthly hangtud nga hingpit nga mabayran ang maong utang sa iyang amiga sud sa usa ka tuig. Apan milapas nalang sa usa ka tuig, wala gyud bayri ang akong mama bisan piso. Unsay mamahimong buhaton sa akong mama batok sa nangutang kaniya? Daghang salamat. -- Lea

* * *

Dear Lea,

Ang unang buhaton sa imong mama mao ang pagpadala og demand letter ngadto sa nangutang kaniya og hatagan kini niya og deadline sa pagbayad sa iyang utang sud sa pipila ka adlaw. Kun dili gihapon siya bayran, mamahimo siyang mopasaka og reklamo sa barangay aron ipatawag ang iyang amiga aron pag-settle sa iyang obligasyon. Apan kun di gihapon sila ma-settle sa barangay, mamahimo siyang mokiha or mo file og small claim case sa Municipal o Metropolitan Trial Court sa ilang lugar. Di na siya magkinahanglan pa og abogado atol sa hearing niining maong kaso ug mas paspas sab ang proseso niini. Atul sa hearing kinahananglan nga iyang ipresentar sa korte ang proof labot sa maong utang sama sa ilang kasabutan, resibo or mga messages nga nagprobar sa maong utang aron paboran sa korte ang iyang kaso. Thank you and God Bless! -- Atty. Divine

* *  *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.