Blazers sumiksik sa top spot

MANILA, Philippines — Sumiksik ang College of Saint Benilde sa three-way tie sa top spot ng Group A matapos talunin ang Lyceum of the Philippine University, 107-103, sa NCAA Season 102 men’s basketball tournament kahapon sa San Andres Gym sa Maynila.

Nagtala si John Mora­les ng 18 points para ihatid ang Blazers sa tuktok ng Group A kasama ang defending champions San Beda Red Lions at Jose Rizal Heavy Bombers.

Nanagasa agad ang St. Benilde sa kaagahan ng laro at hinawakan ang isang 15-point lead sa first quarter at maging sa se­cond ay nanatili ang pagi­ging mainit na kanilang laro para sa 67-51 abante sa halftime.

Lamang pa rin ng 16 puntos ang Taft-based squad, 87-71, sa pagtatapos ng third period matapos sabayan ang Lyceum.

Nagbalak na makasilat ng Pirates sa fourth quarter matapos makadikit subalit naging matatag ang Bla­zers kung saan nagsalpak ng tres si Matthew Jucom para sa kanilang 93-102  ben­tahe sa huling 1:16 mi­nuto ng labanan.

Naglista si Jucom ng 23 points, pitong rebounds, dalawang assists at dalawang steals at may 18 at 17 markers sina SJ Mo­ore at Jhommel Ancheta, ayon sa pagkakasunod.

Humarabas si Matthew Rubico ng 28 markers para sa Lyceum na may 4-7 baraha.