CABC 4th Boysen Cup moarangkada na
CEBU, Philippines — Unom ka teams ang mag-ilog sa korona sa dihang ang Cebu Architects Basketball Club (CABC) 4th Boysen Cup 2026 mosikad na karong adlawa (Domingo, Oktubre 11) sa Benedicto College-Cebu City Gymnasium.
Sa dili pa ang mga duwa, usa ka simpleng seremonyas sa pagbukas ang ipahigayon sa ala 1:30 sa hapon.
Ang mga partisipanteng koponan nga magbugno alang sa titulo mao ang Nation, Kostrukt, Color Series, Healthy Home, Virtuoso ug Titan Superflex.
Moduwa sila og single round-robin sa eliminasyon, diin ang Top 2 diretsong moabante sa semifinals.
Ang nahibiling upat ka teams magkumbati sa playoffs, diin ang No. 3 makigharong sa No. 6 ug ang No. 4 makig-atbang sa No. 5.
Ang mga mananaog motikang sa semifinals ug dayon sa kampiyonato.
Magsubay ang torneyo og talagsaong format ning higayona.
Matag team kinahanglang magporma og Solid Five nga gilangkuban sa mga magdudula gikan sa lima ka age brackets: 20–25, 26–30, 31–35, 36–40, ug 41 anyos pataas. Ang matag player sa Solid Five kinahanglan usab nga magrepresentar og lahi nga chapter.
“This format ensures a balanced mix of youth, prime talent and veteran leadership - showcasing the depth and diversity of each team,”matod pa ni CABC co-chairman Oliver Tan atol sa usa ka press conference kagahapong adlawa sa ANYDAY Restaurant sa Barangay Banilad, dakbayan sa Sugbo.
- Latest
