TV Hunk, nagkalat sa GYM

Hindi na raw uulit sa fitness event ang isang TV hunk dahil sa kahihiyang nangyari sa kanya.

Bago ang event, pinayuhan siyang mag-liquid diet at huwag kumain nang marami para hindi magkaaberya sa workout.

Ayon sa source, “Malaki ang posibilidad na masusuka ka o mas worst, maebak ka sa gitna ng event dahil sa bigat ng exercises.”

Pero hindi nakinig ang TV hunk — nakipag-inuman, nagpuyat at kumain pa nang marami. Pinapa-backout na siya pero iginiit niyang kaya niya.

Naka-tatlong stations pa lang, hirap na siya. Nang may mabigat siyang bitbit at kailangang tumakbo, biglang may sumabog ang loob ng gym shorts niya at naamoy sa buong venue.

Hindi na tinapos ni TV hunk ang event at tumakbo sa locker room para maglinis, pero doon naman siya nasuka at nakita pa ng ibang participants ang kinain niyang almusal!

Fil-Am stunt choreographer, malaki ang ambag sa street fighter

Ang Filipino-American stunt choreographer na si Jon Valera ang gumawa at bumuhay ng signature moves ng Street Fighter para sa bagong film adaptation, kasama si Director Kitao Sakurai at isang international stunt team.

Ayon kay Sakurai, malaking fans ng laro sina Valera at VFX supervisor na si Sandra Balej, kaya pursigido silang mapanatili ang iconic moves nito.

Aminado si Valera, na kilala sa John Wick at Marvel/DC projects, na kinabahan siya dahil high-profile ang proyekto.

“Very high profile, one of the most iconic video games out there. I call it ‘the Bruce Lee effect,’” sabi niya.

Para manatiling tapat sa Japanese martial arts na pinagmulan ng laro, nagsama sila ng practitioners ng Goju-ryu, Shotokan, at judo. Bumuo rin si Valera ng international stunt team mula UK, France, New Zealand, Australia, Canada at Japan para maisagawa ang kakaibang galaw ng characters.

Bida sa 2026 live-action Street Fighter sina Andrew Koji, Noah Centineo, Jason Momoa, 50 Cent, Orville Peck, Olivier Richters at Andrew Schulz bilang si Dan Hibiki.