Aga, Tom Cruise ng Pinas!

“Atasha, I’m just happiest for you. Congratulations. You got this. I’ve always believed in you. And we continue to believe. At sabi ko nga, ‘yung noise na dinaanan mo, I’m happy na tapos na, nadaanan mo na ‘yun. So, now you’ve learned,” sabi kaagad ni Aga Muhlach bago pa nag-umpisa ang opening night ang Bongga Ka ‘Day: The Annie Batungbakal Musical last Friday night.

“Just work, you don’t need to prove anything. Congratulations to you, we’re proud of you, and let’s keep doing it,” buong message ni Aga.

Sabi naman ni Charlene: “Congratulations, Atasha. We’re very, very proud of you, and we’re happy to see that you are reaching for your dreams. And of course, sa lahat ng bumubuo ng Bongga Ka ‘Day: The Annie Batungbakal Musical, maraming, maraming salamat.”

“It’s truly an honor for Atasha to be able to work with such talented actors and creatives just like all of you. So maraming, maraming salamat sa inyong pagmamahal and kindness na binibigay at shinare ninyo kay Atasha. From our family to yours, maraming, maraming salamat and we love you all,” buong sabi naman Charlene sa amin.

In all fairness, supalpal talaga ang bashers sa performance ni Atasha.

Ang galing niya bilang Annie Batungbakal. Sa pagsayaw lang, namana niya ang galing ni Charlene sa pagsayaw.

Sa singing walang duda na kaya napaghandaan.

But anyway, naging hard launch na rin ang opening night ng Annie Batungbakal ng pagpayat ni Aga. Grabe ang payat talaga ng aktor.

Aniya, sa pagkain at exercise particularly biking ang naging dahilan ng kanyang pagpayat.

As expected, ang daming opinion ng netizens.

Kahit may resibo si Aga habang nagba-bike, may mga internet user pa rin na nagsasabing nagpaturok daw si Aga.

Kesyo nag-Mounjaro, merong nagsabi na Retatrutide peptide, Ozempic, etc.

Na kesyo raw, nagkaroon ng wrinkles si Aga nung pumayat.

Pero marami rin siyempreng mga bumilib kay Aga. “Parang si Tom Cruise si idol morning,” ayon sa isang comment.

Pero kahapon, Sunday, ay back to biking sila ni Charlene.

Walang binanggit si Aga kung saan ‘yun.  At ang caption niya: “A very chillax Sunday race. 2000 calories din with dalawang hulog sa putikan (Superman ba) Beautiful morning! Thanks for the invite to race @par.policarpio @gl3nn_0ng and thank you for always helping me out sa race lagi @glenn_colnago and to our cycling community…. Mabuhay kayo! Ingat lagi.. Ika nga… ride safe! Cheers! @attck.unrstrktd #Untreated @opuslandcolnago_manilaracing.”

Samantala, handa nang mag-shooting si Aga ng 2nd Miracle in Cell No. 7 na official entry sa Metro Manila Film Festival.