Sharapova hanga kay Eala
MANILA, Philippines — Hanga si dating Grand Slam champion Maria Sharapova sa husay at galing ni Pinay tennis star Alex Eala na patuloy na gumagawa ng ingay sa tennis world.
Napanood na ni Sharapova ang ilan sa mga laro ni Eala sa season na ito.
Dahil dito, isa si Sharapova sa mga nakaabang sa magiging future ni Eala sa WTA Tour.
Nang tanungin ito sa kung sino sa mga batang players ang binabantayan nito, isa si Eala sa mga nabanggit ni Sharapova.
Kasama ni Eala sa nabanggit si dating US Open champion Coco Gauff ng Amerika.
“I’m always rooting for Coco Gauff, Alex Eala, who’s had an incredible summer and I’m so excited about her future. Those two have come to mind,” ani Sharapova sa panayam ng Popsugar.
Isa si Sharapova sa mga hinahangaan ni Eala sa mundo ng tennis.
Sa katunayan, may picture pa ang Pinay netter kasama si Sharapova noong bata pa ito.
Kamakailan lamang ay napansin ni Sharapova si Eala nang talunin nito si 2025 Wimbledon champion Iga Swiatek ng Poland sa kanilang laban noong Hulyo sa London.
Nagkomento pa si Sharapova ng ‘star’ sa larawan ni Eala na nakapost sa social media account ng Wimbledon.
Kaliwa’t kanan ang panawagan ng mga netizens na magkaroon ng podcast sina Eala at Sharapova.
Mismong si Sharapova ay interesadong makasama si Eala upang mas lalo pang lumalim ang kaalaman nito sa Pinay player.
Matapos ang kanyang kampanya sa US Open, sunud-sunod ang events ni Eala sa New York kabilang na ang pagdalo nito sa New York Fashion Week.
Matapos nito, paghahandaan na ni Eala ang pagsabak nito sa Singapore Open at sa Asian Games sa Nagoya, Japan.
- Latest
